2019թ. նոյեմբերի 18-22-ը Բարիում կազմակերպված գնահատման սեսիայի արդյունքում գնահատվել են 49 փախստականների որակավորումներ, և 42-ին շնորհվել են Փախստականների որակավորման եվրոպական անձնագրեր (ՓՈԵԱ): Ակադեմիական փոխճանաչման և շարժունության ազգային տեղեկատվական կենտրոնի գնահատման մասնագետներից մեկը Կանադայի, Ֆրանսիայի, Գերմանիայի, Հունաստանի և Իտալիայի Եվրոպական ազգային տեղեկատվական կենտրոնների գնահատման մասնագետների հետ միասին անցկացրել է առցանց և առերես հարցազրույցներ:
ՓՈԵԱ-ը օգնում է փախստականներին հյուրընկալող երկրներում վերականգնել իրենց կենսակերպը` հնարավորություն տալով նրանց գնահատման ներկայացնել իրենց որակավորումները, նույնիսկ այն դեպքում, երբ բացակայում են որակավորում ունենալը հաստատող ամբողջական փաստաթղթերը: Այս միջոցով ՓՈԵԱ-ը օժանդակում է Լիսաբոնի ճանաչման կոնվենցիայի 7-րդ հոդվածի կիրարկմանը` խթանելով փախստականների որակավորումների ճանաչման գործընթացը նույնիսկ փաստաթղթերի բացակայության դեպքում: