Ակնհայտ է, որ նոր COVID-19 hամավարակը ազդել է ամբողջ աշխարհի տնտեսությունների վրա, և ազգային կառավարությունները փնտրում են նորարարական լուծումներ՝ իրավիճակը կայունացնելու համար: Միանշանակ, այս լուծումների շարքում կարող են լինել միգրանտներն ու փախստականները: Չնայած խիստ խոցելի լինելուն՝ նրանք ստեղծում են ավելի շատ տնտեսական արժեք, քան շատերը կարծում են: Նրանց ներուժը կարևոր է տնտեսության տարբեր ոլորտների համար՝ մասնավորապես գյուղատնտեսության և առողջապահության ոլորտներում: Հնարավորության դեպքում նրանք պատրաստ են ցուցաբերել իրենց գիտելիքները և հմտությունները:
Եվրոպայի խորհուրդը Փախստականների որակավորումների եվրոպական անձնագիր/EQPR-ն ակնհայտորեն այդ հնարավորություններից մեկն է: Սա եզակի գործիք է՝ միգրանտներին և փախստականներին խրախուսելու, ինչպես նաև խթանելու նրանց սոցիալական ինտեգրումը:
EQPR- ի նկատմամբ հետաքրքրությունը մեծ է նաև համավարակի ժամանակ: 2020 թվականի հունիս և հուլիս ամիսներին գնահատման սեսիաներ անցկացվեցին Հունաստանում և Իտալիայում: ԱՓՇԱՏԿ-ի երկու անդամներ, մասնավորապես կենտրոնի տնօրեն Գայանե Հարությունյանը և գնահատման մասնագետ Նազանի Գևորգյանը, մասնակցեցին 4 սեսիաների հունական(DOATAP) և իտալական(CIMEA) NARIC-ների գործընկերների հետ միասին: Հարցազրույցներին մասնակցում էին 16 փախստականներ տարբեր երկրներից` Սոմալիից, Պաղեստինից, Թուրքիայից, Իրանից, Հարավային Սուդանից, Էրիտրեայից, Նիգերիայից, Աֆղանստանից և Կուբայից: Հարցազրույցներն անցնում էին առցանց` BlueJeans էլեկտրոնաին հարթակում : Փախստականների մի մասը ակնկալում են շարունակել ուսումը եվրոպական երկրերում, իսկ մյուսները աշխատանք գտնել իրենց որակավորումներին համապատասխան: Հարցազրույցի ընթացքում նրանց մեծամասնությունը կարողացավ հաջողությամբ հիմնավորել իրենց որակավորումները, և նրանց կշնորհվի EQPR:
Այս տարի ցանցերի տարեկան հանդիպումը նախատեսվում էր հունիս ամսին Լիսաբոնում: Սա ճանաչման ոլորտի համար խոշոր և կարևոր իրադարձություն է, որը կազմակերպվում է տարեկան մեկ անգամ, և ազգային ճանաչման գործակալությունները անհամբերությամբ սպասում են դրան: Սովորաբար ժողովներին մասնակցում են ավելի քան 150 գնահատման մասնագետներ՝ քննարկելու բարձրագույն կրթության ոլորտի քաղաքականության և ճանաչման հարցերը: Համավարակի պայմաններում ցանցերի 2020 թ.-ի հանդիպումը տեղափոխվեց 2021 թ․: Այնուամենայնիվ, հունիսի 15-ին կազմակերպվեց վիրտուալ հանդիպում: Մոտ 90 մասնակիցներ քննարկեցին ճանաչման հարցերը ստեղծված իրավիճակում: ԱՓՇԱՏԿ-ի երեք գնահատման մասնագետներ մասնակցեցին հանդիպմանը:
2020թ. մարտի 10-ին Էրազմուս+ ԲՈՒՍԹ ծրագրի Շվեդիա կատարած ուսումնական այցի շրջանակներում Ակադեմիական փոխճանաչման և շարժունության ազգային տեղեկատվական կենտրոնը (ԱՓՇԱՏԿ) հայկական պատվիրակության հետ միասին այցելեց շվեդական ԷՆԻԿ-ՆԱՐԻԿ կենտրոն: Մեկօրյա հանդիպման ընթացքում ԱՓՇԱՏԿ-ի տնօրեն Գայանե Հարությունյանը ներկայացրեց հայկական կրթական համակարգը, և մասնակիցները հնարավորություն ունեցան քննարկել հայկական որակավորումների որոշ առանձնահատկություններ: Այնուհետև, շվեդական ԷՆԻԿ-ՆԱՐԻԿ կենտրոնի գնահատման մասնագետ Էրիկ Յոհանսսոնը ներկայացրեկ շվեդական բարձրագույն կրթական համակարգը` մատնանշելով ներկայումս առկա մի շարք մարտահրավերներ: Հանդիպումը շատ արդյունավետ էր, քանի որ այն հնարավորություն տվեց և՛ հայկական, և՛ շվեդական կենտրոններին ևս մեկ անգամ քննարկել ճանաչման գործընթացում հանդիպող խնդիրները և ազգային որակավորումների առանձնահատկությունները:
2020թ. մարտի 9-13-ին ԲՈՒՍԹ ծրագրի հայաստանյան գործընկերները ուսումնական այցով հյուրընկալվեցին Շվեդիայի Թագավորական տեխնոլոգիական ինստիտուտ: Այցի նպատակը բարձրագույն կրթության ոլորտում հետազոտության և նորարարության վերաբերյալ իրազեկվածության բարձրացումն էր:
2020թ. հունվարի 21-ին Էրազմուս+ ԲՈՒՍԹ – «Հայկական համալսարանների միջազգայնացման ռազմավարության և մարքեթինգի խթանում» ծրագրի շրջանակում տեղի ունեցավ բարձրագույն կրթության միջազգայնացման վերաբերյալ համաժողով:
2019թ. դեկտեմբերի 4-6-ը «Բուհ ընդունելության և որակավորումների ճանաչման հարցերով հայ-նորվեգական համագործակցություն» ծրագրի շրջանակում աշխատանքային հանդիպումներ են տեղի ունեցել Հարավարևելյան Նորվեգիայի համալսարանի ներկայացուցիչների, ծրագրի գործընկեր հայաստանյան երկու համալսարանների (Երևանի Մխիթար Հերացու անվան պետական բժշկական համալսարան, Երևանի Բրյուսովի անվան պետական համալսարան) և Ակադեմիական փոխճանաչման և շարժունության ազգային տեղեկատվական կենտրոնի (ԱՓՇԱՏԿ) ներկայացուցիչների մասնակցությամբ, որոնց ընթացքում քննարկվել են Հայաստանում և Նորվեգիայում միջազգային ուսանողների ընդունելության ընթացակարգերը, ինչպես նաև դրա հետ կապված ճանաչման մարտահրավերները:
I am text block. Click edit button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.
