«Հայաստանյան համալսարանների միջազգայնացման ռազմավարության և մարքեթինգի խթանում /BOOST/» ծրագրի շրջանակում 2018թ․-ի փետրվարի 19-23-ը 25 ներկայացուցիչներ հայաստանյան հինգ բուհերից (Խ.Աբովյանի անվան հայկական պետական մանկավարժական համալսարան, Հայաստանի Ամերիկյան համալսարան, Շիրակի պետական համալսարան, Վանաձորի պետական համալսարան, Կոմիտասի անվան Երևանի պետական կոնսերվատորիա), Կրթության և գիտության նախարարությունից և Ակադեմիական փոխճանաչման և շարժունության ազգային տեղեկատվական կենտրոնից մասնակցեցին վերապատրաստման դասընթացների Բարսելոնայի Կատալունիայի պոլիտեխնիկական համալսարանում: Ակադեմիական փոխճանաչման և շարժունության ազգային տեղեկատվական կենտրոնից մասնակցում էին կենտրոնի տնօրեն Գայանե Հարությունյանը և գնահատման մասնագետ Նազանի Գևորգյանը: Վերապատրաստման նպատակն էր զարգացնել մասնակիցների հմտություններն ու կարողությունները միջազգայնացման ռազմավարության պլանի մշակման հարցերում: Դասընթացների ընթացքում մասնակիցները ծանոթացան միջազգայնացման ռազմավարության պլանի մշակման մեխանիզմներին և մեթոդներին` կիրառելով դրանք տարատեսակ խմբային աշխատանքներում: Վերապատրաստման ավարտին յուրաքանչյուր բուհ ներկայացրեց իր միջազգայնացման ռազմավարության պլանի մշակման ժամանակացույցը: Խ. Աբովյանի անվան հայկական պետական մանկավարժական համալսարանի միջազգային համագործակցության բաժնի ղեկավար Քրիստինա Ծատուրյանը ներկայացրեց աշխատանքային խմբի մշակած միջազգայնացման ազգային ռազմավարության պլանի նախնական տարբերակը: Վերապատրաստմանը հաջորդեց ծրագրի համակարգման հանդիպումը, որի ընթացքում քննարկվեցին կատարված աշխատանքները, արդյունքները և հետագա գործողությունները: Վերապատրաստում անցած մասնակիցները նմանատիպ վերապատրաստումներ կանցկացնենն Հայաստանում մյուս մասնակիցների համար:
