2020թ. մարտի 9-13-ին ԲՈՒՍԹ ծրագրի հայաստանյան գործընկերները ուսումնական այցով հյուրընկալվեցին Շվեդիայի Թագավորական տեխնոլոգիական ինստիտուտ: Այցի նպատակը բարձրագույն կրթության ոլորտում հետազոտության և նորարարության վերաբերյալ իրազեկվածության բարձրացումն էր:
Ուսումնական այցի ընթացքում մասնակիցները հնարավորություն ունեցան ծանոթանալու Շվեդիայում հետազոտության իրականացմանը, դրա ֆինանսավորմանը, դոկտորական կրթությանը Շվեդիայում և Թագավորական տեխնոլոգիական ինստիտուտում: Հանդիպումներից մեկի ընթացքում հայաստանյան գործընկերները ներկայացրեցին իրենց բուհերում աշխատակիցների և ուսանողների շարժունության ընթացակարգերը:
Մարտի 10-ին մասնակիցները այցելեցին շվեդական ԷՆԻԿ-ՆԱՐԻԿ, որտեղ Ակադեմիական փոխճանաչման և շարժունության ազգային տեղեկատվական կենտրոնի տնօրենը ներկայացրեց հայաստանյան կրթական համակարգը, իսկ շվեդական ԷՆԻԿ-ՆԱՐԻԿ-ի գնահատման մասնագետ Էրիկ Յոհանսսոնը ներկայացրեց բարձրագույն կրթությունը Շվեդիայում:
Ուսումնական այցը եզրափակվեց ԲՈՒՍԹ կոնսորցումի ղեկավար խմբի հանդիպմամբ, որի ընթացքում որոշվեցին ծրագրի հետագա ամիսների աշխատանքները:
