ENIC-NARIC համացանցի 32-րդ տարեկան հանդիպումը հյուրընկալում էր Ալբանիայի կրթության և սպորտի նախարարությունը ի դեմս Ազգային տեղեկատվական կենտրոնի(Center for educational services/CES): Հանդիպմանը մասնակցում էին 137 գնահատման մասնագետներ ինչպես եվրոպական այնպես այլ տարածաշրջաններից: Հանդիպմանը ներկա էին նաև Եվրահանձնաժողովի, Եվրախորհրդի, Յունեսկո-ի ներկայացուցիչները, ինչպես նաև Միջազգային բակալավրիատի, Եվրոպական ուսանողական միության, Եվրոպական համալսարանների ասոցիացիայի, Եվրոպական որակի ռեգիստրի և մի շարք այլ կազմակերպությունների ներկայացուցիչներ: Համաժողովի ծրագիր բավականին լայնածավալ էր և օրակարգում ներառված էին հարցեր վերաբերվող արհեստական բանականության դերը ճանաչման համատեքստում, ավտոմատ ճանաչում, կեղծարարությունը կրթության մեջ և այլն:
ԱՓՇԱՏԿ-ը համաժողովին ներկայացված էր երեք գնահատման մասնագետներով, որոնք մասնակցեցին մի շարք սեմինարների: 2024 թ. Եվրախորհուրդը երկրորդ անգամ դրամաշնորհներ էր հատկացրել ոչ ԵՄ անդամ երկրների ազգային տեղեկատվական կենտրոններին և ընտրվել էին 3-ը, որոնց թվում էր նաև ԱՓՇԱՏԿ-ի կողմից ներկայացված ծրագիրը փախստականների որակավորումների վերաբերյալ: Այդ ծրագրերին նվիրված սեմինարի ընթացքում կենտրոնները ներկայացրեցին իրենց կողմից իրականցաված ծրագրերը և դրանց հիմնական արդյունքները:
