2024թ. հունիսի 23-25-ը կայացավ ENIC-NARIC ցանցերի 31-րդ տարեկան համաժողովը Իտալիայում` Նեապոլի Ֆեդերիկո II համալսարանում: Համաժողովը համախմբել էր շուրջ 150 ներկայացուցիչների ճանաչման ազգային տեղեկատվական կենտրոններից: ԱՓՇԱՏԿ-ի երեք աշխատակիցներ մասնակցեցին համաժողովին: Այս տարվա համաժողովը հոբելյանական էր, քանի որ նշվում էր NARIC ցանցերի ստեղծման 40 տարին, ինչպես նաև հյուրընկալող կողմ իտալական CIMEA տեղեկատվական կենտրոնի 40 տարին: Համաժողովի ընթացքում ներկայացվեցին Լիսաբոնի ճանաչման կոնվենցիայի կոմիտեի, ENIC բյուրոյի և NARIC խորհրդի, ինչպես նաև ELCORE հաղորդակցման խմբի իրականացրած աշխատանքները և նոր նախաձեռնությունները: Համաժողովի ծրագիրը բաղկացած էր 12 աշխատանքային խմբերով քննարկումներից` փախստականների որակավորումների ճանաչման, տրանսազգային կրթության, ավտոմատ ճանաչման, ճանաչումը թվայնացման միջոցով թեմաներով: Աշխատանքային քննարկումներից մեկը ԵՄ անդամ չհանդիսացող երկրների ազգային տեղեկատվական կենտրոնների համար Եվրոպայի խորհրդի իրականացրած դրամաշնորհային ծրագրերի վերաբերյալ էր, որի ընթացքում ԱՓՇԱՏԿ-ի տնօրենը ներկայացրեց 2023թ. կրթության մեջ կեղծարարության վերաբերյալ իրականացրած ԱՓՇԱՏԿ-ի ծրագիրը: Տարեկան հանդիպման ընթացքում անդրադարձ եղավ նաև արհեստական բանականության ազդեցությանը կրթության վրա:
