Միկրոորակավորումները վերջին շրջանում բարձրագույն կրթության տարբեր շահագրգիռ կողմերի օրակարգում են ամբողջ աշխարհում: Ներկայումս բուհերի քանակը, որոնք առաջարկում են դրանք՝ ի լրումն իրենց ծրագրերի, ավելանում է: Կրթության քաղաքականության պատասխանատու մարմինները սկսել են վերանայել իրենց ազգային քաղաքականությունը, ներառյալ համալսարանների ընդունելության համակարգերը՝ միկրոորակավումները ճանաչելու համար:
2025 թվականի հուլիսի 3-ին և հուլիսի 5-ին ծրագիրը կազմակերպել էր երկու սեմինար համապատասխանաբար Երևանում և Թբիլիսիում: Հուլիսի 3-ին ԵՊՀ-ում տեղի ունեցավ աշխատաժողով, որի ընթացքում ծրագրի մասնակիցներն և ակադեմիական հանրությունը քննարկեցին միկրոորակավումների հիմնական բաղադրիչները, դրանց տեսակները, մշակումն ու տրամադրումը, ուսումնառության վերջնարդյունքները և ՈՇ մակարդակի սահմանումը, թվային լուծումները:
Հուլիսի 5-ին Թբիլիսիի աշխատաժողովի ընթացքում շարունակվեցին քննարկումները միկրոորակավումների որակի ապահովման վերաբերյալ, որին հաջորդեց միկրոորակավումների ճանաչման վերաբերյալ կլոր սեղանը: ԱՓՇԱՏԿ-ի ղեկավարը ներկայացրեց ԵԲԿՏ բարձրագույն կրթության համար պատասխանատու նախարարների ուղերձները կոմյունիկեներում, կրթական մակարդակի վերաբերյալ տվյալները և քննարկման համար նախատեսված հարցեր։
Այսպիսով, միկրոորակավումները կարող են էական դեր խաղալ անհատների որակյալ կրթության իրավունքի իրացման գործում ողջ կյանքի ընթացքում, հատկապես փոփոխվող աշխարհում շարունակական կրթության, ներառականության և ադապտացման համատեքստում:
