2024 թ. հունվարի 17-18-ին Թբիլիսիում մեկնարկեց  Միկրո-որակավորումները Հայաստանի և Վրաստանի բարձրագույն կրթության համակարգերում /Micro-GEAR) Էրազմուս + ծրագիրը, որի հիմնական նպատակն է խթանել Հայաստանի և Վրաստանի բարձրագույն կրթության ոլորտների կառուցվածքային բարեփոխումները`  թիրախավորելով միկրո-որակավորումների զարգացումը և դրանց կիրարկումը թե’ ակադեմական, և թե’ աշխատանքային գործունեության նպատակով:

Ծրագրի երեք տարիների ընթացքում  հարավ-կովկասյան գործընկերները իրենց եվրոպական գործակիցների հետ կառաջարկեն իրավական կարգավորումներ,  կմշակեն միասնական ուղեցույցներ միկրո-որակավորումների մշակման, շնորհման  համար: Նաև Կմշակվեն որակի ապահովման և դրանց ճանաչման չափանիշներ:

Մեկնարկային հանդիպման ընթացքում գործընկերները ներկայացրեցին իրենց կառույցները և ծրագրի կարևորությունը  իրենց գործունեության համատեքստերում:  Քննարկվեցին ծրագրի գործողությունները ըստ փաթեթների, դրանց իրականացման ժամկետները և պատասխանատուների  պարտականությունները: