2025 թվականի դեկտեմբերի 16-17-ին Գերմանիայի Սաարլանդի համալսարանում տեղի ունեցավ Էրազմուս պլյուս «Վրաստանի և Հայաստանի բարձրագույն կրթության համակարգերի միկրոորակավորումները. Հարավային Կովկասի փարոս» ծրագրի շրջանակներում կազմակերպված մեթոդաբանական աշխատարանը, որի նպատակն էր ներկայացնել  կոնսորցիումի անդամների կողմից մշակված դասընթացները և քննարկել դրանց փորձնական ներդնումը:

Բացի այդ հանդիպման մասնակիցներին ներկայացվեցին մշակված դասընթացների գնահատման համար հնարավոր կիրառվող գնահատման չափանիշները և տվյալների հավաքագրման մեթոդները։

Կոնսորցումի անդամները քննարկեցին նաև ծրագրի վերջին տարվա ընթացքում իրականացվելիք աշխատանքները՝ ներառյալ ծրագրի ամփոփիչ միջոցառումը և դրա հետ կապված կազմակերպչական և բովանդակային  հարցերը: