2025 թվականի դեկտեմբերի 15-ին Մադրիդի Կառլոս III համալսարանը (UC3M) հյուրընկալեց բլոկչեյն տեխնոլոգիաների և թվային որակավորումների շնորհման ենթակառուցվածքների վերաբերյալ մասնագիտացված աշխատաժողովը, որը կազմակերպվել էր Էրազմուս պլյուս Micro-GEAR «Վրաստանի և Հայաստանի բարձրագույն կրթության համակարգերի միկրոորակավորումները. Հարավային Կովկասի փարոս» ծրագրի շրջանակում։ Աշխատաժողովին մասնակցեցին նաև ծրագրի գործընկեր Ակադեմիական փոխճանաչման և շարժունության ազգային տեղեկատվական կենտրոնի ներկայացուցիչները` իրենց ներդրումն ունենալով ապագա համագործակցության և թվային որակավորումների ոլորտում հետագա քայլերի քննարկումներում։

Աշխատաժողովի ընթացքում Մադրիդի Կառլոս III համալսարանի և Հռոմի եվրոպական համալսարանի ներկայացուցիչները ներկայացրեցին բլոկչեյնի վրա հիմնված թվային որակավորումների հուսալիության, կառավարման և իրավունքների պաշտպանության իրավական հարցերը, որին հաջորդեց Իտալիայի CIMEA տեղեկատվական կենտրոնի կողմից իրականացված գործնական ուսուցումը՝ DiploMe CHAIN հարթակի վերաբերյալ։ Ուսուցումն իրականացվեց երկու առանձին փուլերով՝ ապահովելով հարթակի վերաբերյալ խորքային քննարկում և գործնական ընկալում։

Աշխատաժողովն ավարտվեց ծրագրի հետ կապված հետագա քայլերի քննարկմամբ: