Որակավորումների գնահատման մասնագետների միջազգային ոասոցիացիայի (TAICEP) 2024թ․-ի ընտրություններում  ԱՓՇԱՏԿ-ի տնօրեն Գայանե Հարությունյանն ընտրվել է TAICEP-ի փոխնախագահ և պատասխանատու է լինելու ստանդարտների և որակի համար:

TAICEP-ի այս տարվա ընտրությունների մասնակիցների թիվը բավականին մեծ էր համեմատած մյուս տարիների հետ, իսկ առաջադրված թեկնածուները  ներկայացնում էին 4 մայրցամաքներ և 6 երկրներ:

Անշուշտ, սա կարևոր ձեռքբերում է կենտրոնի համար, որը հնարավորություն կտա ընդլայնել ԱՓՇԱՏԿ-ի գործընկերային ցանցը, ինչպես նաև համագործակցության աշխարհագրությունը: Մյուս կողմից TAICEP-ի անդամները կկարողանան ծանոթանալ Հայաստանի փորձառությանը օտարերկրյա որակավորումների գնահատման և ճանաչման ոլորտում:

ԱՓՇԱՏԿ-ն առաջին անգամ մասնակցել է TAICEP-ի համաժողովներին 2022թ-ին` ներկայացնելով իր կողմից իրականացված «Հայաստանի Հանրապետությունում կրթական կեղծարարության իրավիճակը. ռիսկերը  և պատասխան քայլերը ՔՈՎԻԴ-19-ի դարաշրջանում» ուսումնասիրությունը:

TAICEP-ի 2024թ․-ի ընտրության արդյունքներին և մանրամասներին կարող եք ծանոթանալ այստեղ՝ https://www.taicep.org/taiceporgwp/nominations-and-elections/։